ဂျပန်စတိုင်လ် ကြက်ဥထမင်းကြော်လေးပါ။ ခရမ်းချဉ်သီးဆော့စ်၊ ကြက်ဥနဲ့ တွဲဖက်စားသုံးရတာမို့
တစ်မျိုးကောင်းမွန်တဲ့ ထမင်းကြော်လေးပါ။
ကြော်နည်းလေး ကြည့်ရအောင် . . . ။
ပါဝင်ပစ္စည်းများ
-----------------
၁။ ကြက်ရင်ပုံသား - ၁ခု (အတုံးသေးများတုံးပါ)
၂။ ထောပတ် - စားပွဲဇွန်း ၂ဇွန်းခွဲ
၃။ ကြက်သွန်နီ - ၁ ဥ (နုပ်နုပ်စဉ်းပါ)
၎။ မုန်လာဥနီ - ၁ ဥ (အတုံးသေးများတုံးပါ)
၅။ ထီးမှိုခြောက် - ၂ပွင့်(ရေနွေးဖြင့် ပြုတ်ပြီး
အလယ်တိုင်ဖယ်ကာ အတုံးသေးတုံးပါ)
၆။ တရုတ် နံနံပင် - စားပွဲဇွန်း ၁ဇွန်း (နုပ်နုပ်စဉ်းပါ)
၇။ ထမင်း - ၄ယောက်စာ
၈။ ကြက်ဥ - ၁လုံး (ခလောက်ထားပါ)
၉။ ဆား - လက်ဖက်ရည်ဇွန်း ၁ဇွန်း
၁၀။ ခနောကြက်သားမှုန့် - လက်ဖက်ရည်ဇွန်း ၁ဇွန်း
၁၁။ ငရုတ်ကောင်းမှုန့် - လက်ဖက်ရည်ဇွန်း တစ်ဝက်
ချက်ပြုတ်နည်း
-----------------
၁။ အရင်ဆုံး အတုံးများတုံးထားသော
ကြက်သားများကို ဆား (လက်ဖက်ရည်ဇွန်း တစ်ဝက်)၊
ငရုတ်ကောင်းမှုန့် အနည်းငယ်ဖြင့်ရောနယ်ထားပါ။
၂။ ဒယ်အိုးထဲသို့ ထောပတ်ထည့်ပြီး
အရည်ပျော်လျှင် ကြက်သားများကိုထည့်ပြီး
၂မိနစ်ခန့် ကြော်ပေးပါ။
၃။ ကြက်သား ကျက်လျှင် မုန်လာဥနီ၊ မှိုများကို ထည့်ပေးပါ။
၎။ ထို့နောက် ထမင်းထည့်ပြီးသမအောင် ရောမွှေလိုက်ပါ။
၅။ အရသာအတွက် ဆား(လက်ဖက်ရည်ဇွန်း ၁ဇွန်း)၊ ခနောကြက်သားမှုန့်၊ ငရုတ်ကောင်း
မှုန့် တုိ့ကို ထည့်ပေးပါ။
၆။ ထမင်းကြော် မွှေးမွှေးလေး ရပြီဆိုလျှင်
ခလောက်ထားသော ကြက်ဥကို အပြားဝိုင်းကြော်ပေးပါ။
၇။ ပြီးမှ ကြက်ဥ အ၀ိုင်းပြား အလယ်ကို
ထမင်း ၄ပုံ၁ပုံ ထည့်လိုက်ပြီး ဘေးတစ်ဖက်စီကို
ပုံတွင်ပါသည့်အတိုင်း ခေါက်လိုက်ပါ။
၈။ ကြက်ဥလိပ်ရပြီဆိုမှ အလယ်က
ထက်ပိုင်းပိုင်းပေးပြီး အပေါ်မှ
ခရမ်းချဉ်သီးဆော့စ်လေးများ ဖြူးပေးပါ။
၉။ အရသာရှိသော ကြက်ဥ ထမင်းကြော်လေးကို
သုံးဆောင်နိုင်ပါပြီ။
• http://
No comments:
Post a Comment